لاشوں کے ڈھیر۔ چہار جانب لاشوں کے ڈھیر ہیں عمارتیں بموں سے چٹیل میدان بن چکی ہیں اُٹھتا ہوا دھواں ہے عمارتوں کے ملبے پر بیٹھے لوگ سر پکڑے گریہ زار ہیں خواتین اپنے بچوں کی تلاش میں ہیں سسکیاں ہیں آہیں ہیں فریادیں اور بے کسی ہے یہ مناظر فلسطین کی گلیوں کے ہیں ایسے منظر روزانہ ہی دیکھنے کو ملتے ہیں اور مسلسل کئی ماہ سے یہ سلسلہ دراز ہوتے یہاں تک آپہنچا ہے۔

اسرائیلی درندگی کا زور بے گناہ نہتے فلسطینیوں پر چل رہا ہے کوئی روکنے والا نہیں کوئی پوچھنے والا نہیں کوئی مددگار نہیں ایک اللہ ہے، لیکن قدرت کے اپنے قانون ہیں قدرت معصوم فلسطینیوں کو بے لگام یہودیوں کے ہاتھوں قتل ہوتا دیکھ رہی ہے اور یہ بھی دیکھ رہی ہے کہ کوئی ان کی مدد کو نہیں پہنچ رہا قدرت سب کے ساتھ انصاف کرنے والی ہے ظالم اور مظلوم سب کے ساتھ انصاف۔قدرت ظالموں کو بھی انصاف کے ساتھ نیست و نابود کرے گی، لیکن دیکھنا یہ ہے کہ کہیں ہمارا شمار بھی تو ظالموں میں نہیں کہ ہم بھی تو بڑھ کر اسرائیلی وحشیوں کو روک نہیں رہے ہم ڈر رہے ہیں اور فلسطینی دنیا کی بہادر قوم ثابت ہوئی ہے جو تہی دست و داماں ہے اور پھر بھی ایٹمی قوت کے حامل یہودیوں کے سامنے سینہ سپر ہے کتنے بچے شہید ہوگئے کتنی مائیں لہو رو گئیں کتنے جوانوں نے جوانمردی سے لڑتے ہوئے شہادت کا عظیم مرتبہ پایا اوردنیا کے طاقتور ممالک کی حمایت سے اسرائیل فلسطینیوں کی نسل کشی میں مصروف ہے، لیکن فلسطینی کہ جو حق پر ڈٹے ہوئے ہیں جھکے نہیں ٹوٹے نہیں ان کے سچے جذبوں کو مات نہیں یہ وقت کے فرعونوں کے سامنے پورے حوصلے سے کھڑے ہیں یہ مقابلہ کررہے ہیں پیٹھ دکھا کر........

© Daily Pakistan (Urdu)