بہت بات ہو رہی ہے کہ فارم 45کے مطابق نواز شریف لاہور کے انتخابی حلقہ 130سے بھی ہار چکے ہیں ۔ یہ بھی کہا جا رہا ہے کہ وہ مانسہرہ سے جیت گئے تھے مگر ہروادیئے گئے اور لاہور سے ہار گئے مگر جتوا دیئے گئے اور اب ان کے خلاف لاہور میں درخواست ڈال دی گئی ہے کہ اگر ذرا چوں و چرا کریں تو لاہور سے بھی ان کی شکست اناﺅنس کروادی جائے۔

دلچسپ بات یہ ہے کہ پی ٹی آئی کے علاوہ نواز شریف کی ہار کا دعویٰ نواز شریف اینکر پرسنوں کا وہ ٹولا کر رہا ہے جو انتخابات سے قبل یہ واویلا کر رہا تھا کہ نواز شریف وطن واپس نہیں آئیں گے لیکن جب وہ وطن واپس آگئے اور لاہور میں ایک شاندار جلسہ بھی کر دکھایا اور بالآخر انتخابی مہم بھی چلا کر دکھادی تو عین انتخابات کی شام پہلے دو گھنٹوں میں فارم 45کا وہ شوروغوغا مچایا گیا کہ بالآخر اسٹیبلشمنٹ کو ٹوئٹر بند کرنا پڑا ۔ لیکن یہ بات عجیب نہیں لگتی کہ شور تو الیکٹرانک میڈیا پر مچایا جا رہا تھا اور بندش ٹوئٹر کی کر دی گئی ؟ ایسا اس لئے ہوا کہ نواز شریف کے خلاف اور عمران خان کے حق میں ساری مہم بیرون ملک سے چلائی گئی اور اگر ٹوئٹر اب تک چل رہا ہوتا تو ملک میں بے یقینی کے گہرے بادل چھا چکے ہوتے اور ساری قوم نئے انتخابات کا مطالبہ کرتی پائی جاتی۔

نواز شریف نے پارلیمانی پارٹی کے اجلاس سے خطاب کرتے ہوئے نومنتخب ایم........

© Daily Pakistan (Urdu)