محسن نقوی،اوور بلنگ اور الٰہ دین کا چراغ
دوسروں کی طرح مجھے بھی یہ سوچ کر حیرت ہوتی ہے آخر محسن نقوی کے پاس وہ کون سا الٰہ دین کا چراغ ہے جسے رگڑ کر وہ ہر ناممکن کو ممکن بنا دیتے ہیں۔نگران وزیراعلیٰ پنجاب بننے سے پہلے سیاست میں اُن کا کوئی نام نہیں تھا،پنجاب میں بہت سے منصوبے برق رفتاری سے مکمل کئے تو عوام تک اُن کا نام پہنچ گیا۔عموماً نگران بننے والے الیکشن کے بعد اپنے اپنے شعبوں کی طرف لوٹ جاتے ہیں،لیکن محسن نقوی کا ستارہ کچھ ایسے چمکا کہ اِدھر ڈوبے اُدھر نکلے والی صورتحال پیدا ہو گئی، ابھی وزیراعلیٰ تھے تو چیئرمین پی سی بی بنا دیئے گئے،نئی حکومت بنی تو وزیر داخلہ بن گئے ساتھ ہی سینیٹر کی نشست بھی حاصل کر لی۔ ایسی خیر العقول نادیدہ طاقت رکھنے والا شخص کوئی بھی بڑا کام کر سکتا ہے،اگر کرنا چاہے تو۔اس لئے اگر انہوں نے کہا ہے اب ملک میں بجلی کمپنیوں کی طرف سے اوور بلنگ نہیں ہو گی تو یہ کسی سیاسی شخصیت کا بیان نہیں اُس شخص کا بیان ہے،جس کے پاس الٰہ دین کا چراغ ہے۔انہوں نے ایک پریس کانفرنس کرتے ہوئے انکشاف کیا بجلی کمپنیوں نے83کروڑ یونٹس کی اوور بلنگ کی،83 کروڑ روپے کی نہیں،بجلی یونٹس کی،اسے آپ 60 روپے سے ضرب دیں تو اندازہ ہو کہ کتنے ارب روپے کا ستم اِن بجلی تقسیم کار کمپنیوں کے بدعنوان افسروں نے ڈھایا ہے اور غربت کے مارے پاکستانیوں کو زندہ درگور کرنے میں اپنا مکروہ کردار ادا کیا ہے۔لیسکو کے دو ایکسین اسی جرم میں گرفتار کئے جا چکے ہیں اور وزیر داخلہ محسن نقوی کے مطابق اس ایکشن کا دائرہ اوپر تک بڑھایا جا رہا ہے،انہوں نے یہ نوید بھی سنائی ہے وزیراعظم شہباز شریف سے اُن کی بات ہو چکی ہے اور انہوں نے یقین دلایا ہے اِس حوالے سے کسی سیاسی دباؤ کو........
© Daily Pakistan (Urdu)
visit website