زندگی کا نعم البدل نہیں
پنجاب پولیس معاشرے میں امن و امان برقرا رکھنے اور شہریوں کی جان و مال کے تحفظ کے مقدس فریضے کیلئے شب و روز مصروف عمل ہے اور اسی سلسلے میں پیشہ ورانہ فرائض کی ادائیگی کے دوران ایک روز قبل باغبانپورہ کے علاقہ میں ڈاکوؤں کے ساتھ مقابل کے دوران ایک اہلکار کا نسٹیبل عمران حید ر جام شہادت نوش کر گیا ہے جبکہ ایک اہلکار دلدار ذخمی ہوا ہے اس دوران واردات کرنے والے دو ڈاکو بھی مارے گئے شہید ہونیوالے اہلکار عمران حیدر 8بچوں کا باپ جن میں 7 بیٹیاں شامل ہیں گشت کی ڈیوٹی کے دوران فرائض کی ادائیگی کے دوران شہید ہوا ہے۔ قانون کی بالادستی ہو یا امن و امان کا قیام، دہشت گردی کا خاتمہ ہو یاسماج دشمن عناصر سے مقابلہ، ہر محاذ پر پولیس فورس کے بہادر جوان اپنی ذمہ داریوں سے احسن طور پر عہدہ براء_ ہوتے ہوئے جام شہادت نوش کرتے آئے ہیں اور ہمیں ا ن جوانوں کو خراج عقیدت بھی پیش کر نا چاہیے یوں توہم روز انہیں سخت تنقید کا نشانہ بناتے ہیں۔پنجاب میں جرائم پیشہ افراد کی سرگرمیوں میں تیزی سے اضافہ ہوتا جا رہا ہے،دن دھاڑے موٹر سائیکل چھیننے کی وارداتوں کے علاوہ مسلح جتھوں کی جانب سے لوگوں کو یرغمال بنا کر ان کو جمع پونجی سے محروم کرنا معمول بن کر رہ گیا ہے۔اس وقت ملک مہنگائی، کرپشن اور جرائم کے بدترین طوفانوں میں گھرا ہوا ہے۔ گلی کوچوں پر مجرموں کا قبضہ ہے۔ عوام گھروں کے اندر بھی عدم تحفظ کا شکار ہیں۔........
© Daily Pakistan (Urdu)
visit website