گورنر ہاؤس میں میرا زیادہ آنا جانا خالد مقبول صاحب کے دور میں ہوا۔وہ اہلِ قلم سے ملنے کے شوقین تھے۔مختلف معاملات پر اُن سے مکالمہ کرتے۔ اُن سے راہ نمائی لیتے اور اپنا ایک بیانیہ تشکیل دیتے۔کبھی کبھار خالد مقبول صاحب کی تقریروں اور گفتگوؤں کے لیے ان کے پی۔آر۔او عاصم رضوان صاحب بر محل اشعار کی فرمائش کرتے تو مجھے اچھا لگتا تھا۔میرا ہی ایک کالم پڑھ کر خالد مقبول صاحب نے الحمرا ادبی بیٹھک بنوائی تھی اور انھوں نے الحمرا آرٹس کونسل انتظامیہ کو ہر ماہ مشاعرہ کرنے کا مشورہ بھی دیا تھا۔ان کے رخصت ہونے کے بعد بھی گورنر ہاؤس جانے کا موقع ملا لیکن پہلے والی بات نہ رہی تھی۔

پنجاب کے موجودہ گورنر محمد بلیغ الرحمن صاحب کے دور میں بھی اس بڑے گھر کی طرف کئی بار جانے کا موقع ملا۔محمد بلیغ الرحمن بھی خالد مقبول کی طرح درد دل رکھنے والے آدمی ہیں۔انسان دوست ہیں۔ اعلیٰ تعلیم یافتہ ہیں۔اہلِ علم سے تعلق پر ناز کرتے ہیں۔انجمن ہلال احمر پاکستان کے سابق چیئرمین، سابق وزیر صحت اور میرے دوست ڈاکٹر سعید الٰہی کی ان سے بہت زیادہ قربت ہے اس لیے گورنر ہاؤس میں علمی اور........

© Daily Pakistan (Urdu)