Repítense as noticias. Caso Koldo, a parella de Ayuso, a muller do presidente, o home da número dous en Galicia.
Fraudes e tráfico de influencias miremos onde miremos. Uns máis graves, outros menos, pero o resumo é que todo —e todos— vai na mesma dirección: estafa tras estafa.
Distintos niveis pero igual obxectivo: omitir a lei para obter grandes beneficios con escasos esforzos.
A escala esta vai do galiñeiro ao nivel ministerial.
Ata hai tráfico de poñedoras de ovos! Desaparecen os tempos nos que ter un curral na aldea, para atender na fin de semana.
Os oviños da casa son moi sabedores! Pero agora os galegos que viven preto da raia van ir mercar as galiñas e os pitos a Asturias ou Castela e León, onde hai menos vixilancia.
A normativa obriga a dar de alta os galiñeiros, ou non se permite repoñer os polos.
O trámite non é complexo, mais antes de informarnos sobre o porqué, xa estamos buscando como saltar a norma. Nin que o leváramos inscrito no ADN! E, con todo, aínda sendo así, non nos eximiría de ser cidadáns honrados e responsables.
A idea é mellorar o control sanitario e ter localizadas as instalacións no caso de producirse un foco de gripe aviar. Pero ante o susto da palabra «legalizar», xa hai quen sacrificou todos os polos. Absolutamente todos.
Non sei que fixemos mal para pensar que a lei está para machucarnos.
Quizais porque convertemos o mundo noutro galiñeiro, entendido como espazo onde se dan moitos berros e é difícil falar. O caso é que, sen ningún tipo de dúbida, resulta necesario inverter o punto de vista.
Tráfico de galiñas
13
0
15.03.2024
Repítense as noticias. Caso Koldo, a parella de Ayuso, a muller do presidente, o home da número dous en Galicia.
Fraudes e tráfico de influencias miremos onde miremos. Uns máis graves, outros menos, pero o resumo é que todo —e todos— vai na mesma dirección: estafa tras estafa.
Distintos niveis pero igual obxectivo: omitir a lei para obter grandes beneficios........
© La Voz de Galicia
visit website
login
who are we?
contact us
qosheapp
Toi Staff
Gideon Levy
Belen Fernandez
Andrew Mitrovica
Mort Laitner
Nikkei Editorial
Rami G Khouri
Ali Fathollah-Nejad
