Non sei se antes, pero des que Eduardo Galeano dixo «la caridad es humillante porque se ejerce verticalmente y desde arriba; la solidaridad es horizontal e implica respeto mutuo», a caridade e a filantropía están mal vistas pola esquerda radical. De aí os ataques que desde Podemos lle largaba Pablo Iglesias a Amancio Ortega por costear equipos médicos de tecnoloxía avanzada para hospitais, mellorar o ámbito educativo de rapaces ou construír centros asistenciais para persoas maiores.
A min paréceme de fábula trocar a caridade, definida pola RAE como «limosna que se da o auxilio que se presta a los necesitados», pola solidariedade que nos faga sentir as necesidades alleas como propias e actuar en consecuencia; pero mentres non se produza esa revolución nas nosas conciencias e non se reconstrúa a sociedade, vou seguir sendo socio dalgunhas ONG e levando viandas —obre todo larpeiradas para os nenos— aos carros dos voluntarios do Banco de Alimentos, que piden a nosa colaboración na porta dos hipermercados. E seguirei aplaudindo a xenerosidade de Amancio Ortega, e a de Meryl Streep e Barbra Streisand, das que levo moitos anos namorado; e a de George Clooney e Elton John, aos que admiro; e a da escritora J. K. Rowling, creadora de Harry Potter, á que nunca lin nin lerei; e a do filántropo español Diego Hidalgo Schnur, que tanto predicou no deserto… As críticas de Pablo Iglesias, que en catro anos de político multiplicou por 50 o seu patrimonio, parécenme demagoxia moi torpe.
Remato cun caso insólito e pouco coñecido de caridade en Nadal, protagonizado por Franco. O día 14 de decembro de 1944, prensa e radio informaban de que o xefe do Estado dera 250.000 pesetas para que puidesen ser retirados da Casa de Empeños as prendas de abrigo e útiles de traballo depositados polas familias dos presos e penados. Nos tres primeiros días presentáronse na Casa de Empeños de Madrid 2.500 papeletas de prendas de abrigo e 200 de máquinas de coser. Un cronista escribía, conmovido: «El cuadro de las salas del Monte de Piedad en la mañana de hoy era emocionante. La alegría de las gentes que salían con sus mantas o sus prendas de abrigo rescatadas se reflejaba inequívocamente en el semblante de cada interesado. Algunos salían con los ojos húmedos». E remataba co obrigado parágrafo laudatorio: «En todo esto pensó, sin duda, el Caudillo cuando surgió en su corazón la iniciativa generosa y llamó con ella la atención de los que no habían recordado, en estas fechas, la tragedia de esos hogares que también son españoles. Y él quiere pensar en todo, especialmente en los que sufren».
Tiña corazón de manteiga.
login
who are we?
contact us
qosheapp
Toi Staff
Gideon Levy
Belen Fernandez
Andrew Mitrovica
Mort Laitner
Rami G Khouri
Ali Fathollah-Nejad
Nikkei Editorial
visit website
