Antes que o 6 de Nadal de 1978 os españois aprobaramos en referendo a Constitución, fixérao o Congreso o 31 de outubro, con 325 votos a favor, 6 en contra e 14 abstencións. As causas do desencontro estaban, sobre todo, no artigo 2, que di: «La Constitución se fundamenta en la indisoluble unidad de la Nación española, patria común e indivisible de todos los españoles, y reconoce y garantiza el derecho a la autonomía de las nacionalidades y regiones que la integran y la solidaridad entre todas ellas».
Ao explicar o voto do seu grupo, Fraga empezou falando do discurso fúnebre de Pericles polos mortos atenienses na guerra contra Esparta, pero axiña puxo os pés no chan e lamentou que a Constitución, en vez de dar prioridade a temas económicos e outras reformas, incluíse cuestións polémicas como a palabra «nacionalidades» no artigo 2, que non vía compatible «con el principio de unidad de la nación o de la nacionalidad española».
Xavier Arzalluz non citou o artigo 2, pero, despois de afirmar que o proceso constitucional deixara claro que o PNV non cuestionaba a unidade do Estado, lamentou que todas as fórmulas propias e as elaboradas con outros partidos quedasen en «puro platonismo».
As queixas de Fraga e Arzalluz estaban xustificadas. As de Fraga, porque expresaban o sentir dos seguidores de AP; as de Arzalluz, porque os nacionalistas vascos e cataláns querían unha Constitución que recoñecese a realidade plurinacional de España e permitise a futura configuración federal do Estado, e durante un tempo tiveran o apoio dos partidos de esquerda. Agora, coa redacción do artigo 2, sería imposible. O que daquela descoñecía a cidadanía é que a redacción do artigo 2 non fora decidida polos pais da Constitución, senón por «sectores extraparlamentarios». Contouno Solé Tura, en 1985, no libro Nacionalidades y nacionalismos en España: «A última hora de la tarde me llegó, en tanto que presidente de la sesión, un papel escrito a mano y procedente de la Moncloa en el que se proponía una nueva redacción del artículo 2. Era una redacción compleja, en la que se introducían los conceptos de patria y de nación, pero en la que se mantenía el término nacionalidades. Era, de hecho, una refundición de conceptos que reflejaba muchos de los puntos de la discusión final entre UCD, los comunistas y los nacionalistas, pero también los resultados de la presión exterior».
Esa «presión exterior» explica que, malia a simpatía de Gutiérrez Mellado polos integrantes da UMD, non se beneficiasen da amnistía de 1977; que se botase terra sobre o intento de atentado contra o rei Juan Carlos, na Coruña, en 1985; e que aínda hoxe medio cento de militares xubiletas animen ao exército a dar un golpe de Estado contra Pedro Sánchez.
O artigo 2 da Constitución
7
1
09.12.2023
Antes que o 6 de Nadal de 1978 os españois aprobaramos en referendo a Constitución, fixérao o Congreso o 31 de outubro, con 325 votos a favor, 6 en contra e 14 abstencións. As causas do desencontro estaban, sobre todo, no artigo 2, que di: «La Constitución se fundamenta en la indisoluble unidad de la Nación española, patria común e indivisible de todos los españoles, y reconoce y garantiza el derecho a la autonomía de las nacionalidades y regiones que la integran y la solidaridad entre todas ellas».
Ao explicar o voto do seu grupo, Fraga empezou falando do discurso fúnebre de Pericles polos mortos atenienses na guerra contra Esparta, pero axiña puxo os pés no chan e........
© La Voz de Galicia
visit website