Mit seiner monatlichen Mundartecke möchte Autor Andreas Bossard die Leute zum Schmunzeln bringen über Ereignisse vergangener Zeiten. In dieser Ausgabe geht es um alte Weihnachtslieder.

Im Archiv vo mim Vatter hani chürzli es chlyses blaus Büechli gfunde. Uf de blaue, verschörglete Titelsyte stood i goldige Buechschtabe i altdüütscher Schrift: Vom «Christkinde». Ich ha gsee, as me das Büechli 1878 im Benziger Verlag z Einsidle truckt hed. Drunder stood no: «Benziger Brothers New York und Chicago». Ich dänke, as me das Büechli übersetzt und au z Amerika truckt und glääse hed.

Ich ha die Wienachtsgedichtli glääse und gmerkt: Häi wie fromm isch daas gschribe. S Chrischtchindli isch e Boote vom Himmel gsy und alli Chind händ glaubt, as de chly Jesus bi jedem Chind uf Bsuech ggange isch. Die Gedichtli sind märlihaft und im beschte Raim gschribe.

Vore im Büechli chammer gsee as das Büechli de Fanny Brandebärg ghöört hed. Si hed de erschti Chindergarte z Zug a de Schanz gfüert. Das isch e Privatchindergarte gsy. I dere Gfätterlischuel hed me nid nume gfätterlet (gespielt), me hed au gschribe und äbe Gschichte und Gedicht i de fäinschte düütsche Hochsprooch glost. D Chind händ drum scho mit sächsi oder sibni d Hochsprooch und die altdüütsch Schrift ggüebt.

D Fanny Brandebärg hed im Advänt die chlyne Gischpel um sich gschaart und hed ine Wienachtsgedichtli voorglääse. D Chind händ die Sprüchli gleert und uufgsäid. Underem Baümli, am häilige Oobig händ de die chlyne Gööfli die Sprüchli voll Stolz uufgsäid. Erscht de händ d Chind d Gschänkli vom Chrischtchind überchoo.

So heds de töönt bim Uufsääge und Singe:

Vilicht singid ier hüür i üüchere Famili wider äinisch d Wienachtslieder us früenere Zyte.

Die Mundartecke erscheint monatlich und enthält Geschichten und Erinnerungen aus der Stadt Zug. Ein Tipp für diejenigen, die Schwierigkeiten beim Lesen haben: Sie sollten es mit Lautlesen versuchen.

QOSHE - Vom Chrischtchindli – Wienachtslieder us früenere Zyte - Andreas Bossard
menu_open
Columnists Actual . Favourites . Archive
We use cookies to provide some features and experiences in QOSHE

More information  .  Close
Aa Aa Aa
- A +

Vom Chrischtchindli – Wienachtslieder us früenere Zyte

22 0
21.12.2023

Mit seiner monatlichen Mundartecke möchte Autor Andreas Bossard die Leute zum Schmunzeln bringen über Ereignisse vergangener Zeiten. In dieser Ausgabe geht es um alte Weihnachtslieder.

Im Archiv vo mim Vatter hani chürzli es chlyses blaus Büechli gfunde. Uf de blaue, verschörglete Titelsyte stood i goldige Buechschtabe i altdüütscher Schrift: Vom «Christkinde». Ich ha gsee, as me das Büechli 1878 im Benziger Verlag z Einsidle truckt hed. Drunder stood no: «Benziger Brothers New York........

© Luzerner Zeitung


Get it on Google Play