ഒരു വശത്ത്‌ കാട്ടാന ആക്രമണം തലവേദനയാകുമ്പോള്‍ തന്നെയാണ്‌ എഴുന്നള്ളിപ്പ്‌ ആനകള്‍ സൃഷ്‌ടിക്കുന്ന അപകടങ്ങള്‍ സംസ്‌ഥാനത്ത്‌ പെരുകുന്നത്‌. വൈക്കം ടി.വി. പുരം ക്ഷേത്രത്തിലെ ഉത്സവത്തോടനുബന്ധിച്ച്‌ രണ്ടാം പാപ്പാനായ കോട്ടയം പുതുപ്പള്ളി സ്വദേശി ഇരുപത്തിയാറുകാരന്‍ അരവിന്ദിന്‌ നേരിടേണ്ടിവന്ന ദാരുണാന്ത്യം ഞെട്ടിക്കുന്നതായി.
ആനയെ കൊണ്ടുള്ള പൊല്ലാപ്പുകള്‍ ഏറെയുണ്ടെങ്കിലും, ആനയും ആനക്കഥകളും മലയാളികള്‍ക്ക്‌ എന്നും പ്രിയപ്പെട്ടതാണ്‌. ഏതൊരു ആഘോഷത്തിനും പൊലിമയേകാന്‍ ആനച്ചന്തം മലയാളികളുടെ നിര്‍ബന്ധങ്ങളില്‍ ഒന്നാണ്‌. ആളുകളോട്‌ മെരുങ്ങുന്ന മൃഗമായി ആനയെ പരിഗണിക്കുമ്പോഴും ഓരോ വര്‍ഷവും ആനകളുടെ ആക്രമണത്തില്‍ കൊല്ലപ്പെടുന്നവരുടെ എണ്ണം വര്‍ധിച്ചിരിക്കുന്നു. ഈയൊരു സാഹചര്യത്തില്‍ മലയാളികളുടെ ആന പ്രേമം വീണ്ടുവിചാരത്തിന്‌ വിധേയമാക്കേണ്ട സമയമാണിത്‌.
വിളക്ക്‌ എഴുന്നള്ളിപ്പിനിടെ ക്ഷേത്ര പരിസരത്ത്‌ ഇടഞ്ഞ ആനയാണ്‌ അരവിന്ദിനെ ചവിട്ടിയത്‌. കേവലം ഒരു മാസം മുമ്പ്‌ മാത്രം ആനയുടെ രണ്ടാം പാപ്പാനായി........

© Mangalam