പകപോക്കല് എങ്ങനെ സുരക്ഷയാകും?
തെറ്റു ചെയ്തവരെ നിയമത്തിനു മുന്നില് കൊണ്ടുവരാന് ശ്രമിക്കുന്നവരോടു പകവീട്ടുന്ന സര്ക്കാരോ ?. അത്തരമൊരു മന:സാക്ഷിയില്ലാത്ത സമീപനമാണ് കോഴിക്കോട് മെഡിക്കല് കോളജ് ആശുപത്രിയില് പീഡിപ്പിക്കപ്പെട്ട യുവതിക്കു പിന്തുണ നല്കിയ സീനിയര് നഴ്സിങ് ഓഫീസര് പി. ബി. അനിതയോട് സംസ്ഥാന സര്ക്കാര് പുലര്ത്തുന്നത്. മെഡിക്കല് കോളജ് ഉള്പ്പെടെ ഓരോ ആരോഗ്യ കേന്ദ്രങ്ങളിലും ചികിത്സ തേടി എത്തുന്ന രോഗികളുടെ സുരക്ഷയും സംരക്ഷണവും സര്ക്കാരിന്റേയും ജീവനക്കാരുടേയും കടമയാണെന്നിരിക്കേയാണ് ഒരിക്കലും സംഭവിക്കരുതാത്ത കാര്യം മെഡിക്കല് കോളജില് നടന്നത്. കേരളത്തിലെ പൊതുജനാരോഗ്യ സംവിധാനത്തിന്റെ കാര്യക്ഷമതയില് അഭിമാനിതയാകുന്നതിനൊപ്പം സംഭവിക്കുന്ന വീഴ്ചകളില് ശക്തമായ നടപടികള് സ്വീകരിക്കാനും ആരോഗ്യ മന്ത്രി എന്ന നിലയില് മന്ത്രി വീണാ ജോര്ജിനു കടമയുണ്ട്. സാധിക്കാത്തപക്ഷം അധികാരത്തില് നിന്നിറങ്ങുമ്പോള് പൂച്ചെണ്ടുകളേക്കാള് ആരോഗ്യമേഖലയുടെ മോശം പ്രതിച്ഛായയുടെ പേരില് അധിക്ഷേപങ്ങളാകും ബാക്കിയാവുക.
2023 മാര്ച്ച് 18നു മെഡിക്കല് കോളജ് ഐ.സി.യുവില് വച്ച് ശസ്ത്രക്രിയ കഴിഞ്ഞ് അര്ധബോധാവസ്ഥയിലായ ഒരു യുവതി പീഡിപ്പിക്കപ്പെടുന്നു. സമാനതകളില്ലാത്ത ഈ ക്രൂരത ചെയ്തയാള്ക്കു മാതൃകാപരമായ ശിക്ഷ........
© Mangalam
visit website