കനത്തചൂടിലും വാടാതെ കേരളത്തിന്റെ ജനാധിപത്യബോധം തളിരണിഞ്ഞു. ഇന്ത്യയുടെ അധികാരം നിശ്‌ചയിക്കുന്ന തെരഞ്ഞെടുപ്പു പ്രക്രിയയില്‍ കേരളം ജാഗ്രതയോടെ പൗരാവകാശം വിനിയോഗിച്ചിരിക്കുന്നു. ഇടുതുകൈയിലെ ചൂണ്ടുവിരലില്‍ വോട്ടുചെയ്‌തതിന്റെ മഷിയടയാളമുയര്‍ത്തി അഭിമാനിതരായ ജനലക്ഷങ്ങള്‍ നാടിന്റെ പൗരബോധം ഒരിക്കല്‍ക്കൂടി വിളംബരം ചെയ്‌തു. നാടിനോടുള്ള ഇഷ്‌ടവും കരുതലും വോട്ടിലൂടെ പ്രകടമാക്കാനുള്ള ആവേശം സംസ്‌ഥാനത്തുടനീളം കാണാനായി. രാജ്യത്തിന്റെ മതേതരത്വവും ജനാധിപത്യവും സംരക്ഷിക്കപ്പെടണമെന്ന നിലപാട്‌ പൊതുവായി പങ്കുവയ്‌ക്കപ്പെട്ടു.
തെരഞ്ഞെടുപ്പിനെ ഉത്സവംപോലെ ആഘോഷമാക്കുന്ന ജനപങ്കാളിത്തം നിരവധി പ്രതീക്ഷാനിര്‍ഭര മുഹൂര്‍ത്തങ്ങള്‍ സമ്മാനിച്ചു. വൈകല്യങ്ങള്‍ വകവയ്‌ക്കാതെ, പ്രായത്തിന്റെ അവശതകള്‍ മറന്നും വോട്ടു ചെയ്യാനെത്തിയവരില്‍ നാടിനു കാവലാകുന്നതിന്റെ അഭിമാനമാണ്‌ തുടിച്ചത്‌. വോട്ടിങ്ങിനായി തുടക്കം മുതലുണ്ടായ നീണ്ടനിര ശക്‌തമായ തെരഞ്ഞെടുപ്പിന്റെ സൂചനയേകി. ജനങ്ങളുടെ ഒഴുക്ക്‌ അവസാനംവരെ തുടരുകയും ഭേദപ്പെട്ട പോളിങ്ങിലേക്ക്‌ എത്തുകയും ചെയ്‌തു. പ്രചാരണത്തിന്റെ ശക്‌തി വോട്ടര്‍മാരിലേക്ക്‌ എത്തിക്കാന്‍........

© Mangalam