پھانسی پانے والے شخص کو تختہ دار پر لٹکائے جانے سے پہلے اس کی آخری خواہش پوچھی اور پوری کی جاتی ہے، یہ تو پتہ تھا، اب پتہ چلا ہے کہ خودکشی کرنے والے کی بھی کوئی نہ کوئی آخری خواہش ہوتی ہے اور بسااوقات وہ اپنی یہ آخری خواہش پوری کرنے کیلئے خودکشی کا ارادہ ملتوی بھی کر دیا کرتا ہے۔ جیسا کہ کمشنر راولپنڈی لیاقت چٹھہ نے کیا۔ انہوں نے چیف جسٹس اور چیف الیکشن کمشنر کے حکم کی تعمیل میں ریکارڈ دھاندلی کی، پھر ضمیر جاگا تو خودکشی کا فیصلہ کیا لیکن اس فیصلے پر عملدرآمد سے پہلے امریکہ جانے، امریکہ کی سیر کرنے کی آخری خواہش خود سے ظاہر کی چنانچہ امریکہ کا ویزا لگوایا تاکہ وہاں کی جی بھر کے سیر کی جائے، پھر وہیں پرفضا ماحول میں جان، جانِ آفرین کے سپرد کی جائے۔ لیکن اس دوران انہیں پریس کانفرنس کرنے کی حاجت لاحق ہوئی، ایک دھماکے دار پریس کانفرنس کی جس کی وجہ سے ضمیر مطمئن ہو گیا، خودکشی کا ارادہ خود منسوخ کیا، امریکہ جانے کی خواہش دوسروں نے منسوخ کر دی۔
_____
پی ٹی آئی والے کہتے ہیں کہ دھاندلی چیف جسٹس اور چیف الیکشن کمشنر کے حکم پر ہوئی اور لیاقت چٹھہ کے پاس اس کے تحریری ثبوت موجود ہیں، انہیں وٹس ایپ پر تحریری احکام دئیے گئے جن کی تعمیل کرتے ہوئے چٹھہ صاحب نے 70 ،70 ہزار کی لیڈ سے ہارے ہوئے تمام امیدواروں کو 50 ،50 ہزار کی لیڈ سے جتوا دیا، یعنی فی حلقہ ایک لاکھ 70 ہزارجعلی وٹ ڈلوائے گئے۔
چیف جسٹس کے تحریری احکام کی نقل چٹھہ صاحب نے جاری کی نہ پی ٹی آئی نے۔ یہ حکم نامہ اگر اردو میں........

© Nawa-i-Waqt