ڈونلڈ لو کے حوالے سے پی ٹی آئی کی اچھی خاصی رنگی نارنگی یعنی بے رنگی میں بدل گئی اور بے رنگی بھی ایسی کہ اسے بدرنگی کہتے ہی بنتی ہے۔ پی ٹی آئی کے سوشل میڈیا کے علاوہ مین سٹریم ٹی وی چینلز پر تشریف فرما پی ٹی آئی کے ایکٹوسٹ جن کو اینکرپرسن کا نام دیا جاتا ہے، ہفتہ بھر سے یہ شور قیامت برپا کئے ہوئے تھے کہ کانگرس میں سماعت کے دوران خان کا بیانیہ سچ ثابت ہو جائے گا اور ہماری ریاست اور اس کے بیانئے کا پول کھل جائے گا۔ ریاست کو منہ چھپانے کی جگہ نہیں ملے گی اور بیانیہ ایسا لاپتہ ہو گا کہ لاپتہ افراد کا کمشن بھی پتہ نہ ڈھونڈ پائے گا۔
لیکن ہوا کیا۔ ڈونلڈ لو نے خان کو اے ٹو زیڈ غلط قرار دے دیا۔ وہ ثاقب نثار کا ’’صادق و امین‘‘ کا سرٹیفکیٹ یاد آ گیا۔ اسی رعایت سے یوں سمجھئے کہ خان کے صادق اور امین ہونے کے ڈنکے عالمی سطح پر بھی بج گئے۔ چلئے، ڈنکے بجے تو سہی، کسی طور بھی بجے۔ سنا ہے کروڑوں ڈالر کی سرمایہ کاری امریکہ میں لابنگ پر کی گئی تھی۔ وہ تو سب ڈوب گئی۔ لیکن اس کی خیر ہے، ڈالروں کی کمی ہی کہاں ان کے ہاں،
ادھر آئی ایم ایف کے حوالے سے کی گئی محنت کاری کا سفینہ بھی ڈوب گیا۔ صاف معاہدہ ہو گیا۔ ٹی وی پر پی ٹی آئی کے محبان تو یہ خبر دے رہے تھے کہ معاہدہ نہیں ہو گا، خان کی طرف سے بھیجے گئے خط نے سب اڑا کے رکھ دیا ہے۔
اڑا کے تو رکھ دیا خیر، لیکن ترتیب الٹ ہو گئی
______
گوادر پورٹ پر دہشت گردوں کا حملہ ناکام ہو گیا، آٹھوں مارے گئے۔ اچھی........

© Nawa-i-Waqt